Friday, July 31, 2009

අලි, ඇතුන්ට වධ දීම දැන්වත් නවත්වමුද?

දළදා මාලිගාවට පරිත්‍යාග කරපු ඇත් පැටවු දෙන්න ගැන ප්‍රවෘත්තිවල දැක්කට පස්සෙයි මේ සටහන ලියන්න හිතුනෙ.ආරංචි විදිහට නම් මේ අලි පැටවු දෙන්නව පින්නවලින් ගෙනිහින් තියෙන්නෙ යුධ හමුදාවත් මැදිහත් වෙලා රාත්‍රී කාලයේදී.අලි පැටවු දෙන්නව මෙල්ල කර ගන්න රත් කරපු යකඩ බට වලින් පහර දීපු බවකුත් ආරංචි වුනා.ඒත් දියවඩන නිලමේ තුමා නම් කියන්නෙ අලි පැටවු දෙන්න බොහොම සනීපෙන් ඉන්නවයි කියලයි.සමහර විට එතුමාට හිතෙන්නෙ නැතුව ඇති අලින්ටත් මවු සෙනෙහස අවශ්‍යයයි කියල.කිරි බොන වයසෙ පැටවුන්ට පොල් අතුයි, කිතුල් කොටයි කන්නට දීමෙන්ම නිලෙමෙ තුමාගෙ සත්ව කරුණාවෙ තරම පේනව.

මේ ප්‍රශ්නයට ක්‍රීඩා හා පොදු විනෝදාත්මක කටුයුතු භාර ඇමතිවරය දීපු පිලිතුර වුනේ අලි පැටවුන් දෙදෙනාට තව දුරටත් මවු සෙනෙහස අවශ්‍ය නම් එම පැටවුන් දෙදෙනාගෙ මවු සතුන්ද දලදා මාලිගාවට ලබා දෙන බවයි.දැන් ඉතින් නිලමෙ තුමාගෙ අලි රෑනට තවත් බෝනස් ඇතින්නියො දෙන්නෙක්වත් එක් කර ගත්තෑකි අලි පැටවුන්ට දරු සෙනෙහස අවශ්‍යයයි කියල.

අලියෙක් කියන්නෙ ගෙදර ඇති කරන බල්ලෙක් වගේ කූඩුවක දාල ඇති කරන්න පුලුවන් සතෙක් කියලයි අපේ සමහර හාමුදුරුවරුයි, අලි හිමියනුයි හිතා ගෙන ඉන්නෙ.දෙහිවල සත්තු වත්තෙ ඉන්න අලියෙක්ගෙයි, ස්වභාවික වනාන්තරයක ඉන්න අලියෙක්ගෙයි හිසේ වෙනස දැක්කම කියන්න පුලුවන් මේ හීලෑ අලි, ඇතුන් ජීවත් වෙන්නෙ කොච්චර පීඩනයකින්ද කියල.අලියෙකු දිනකට ඇවිදිය යුතු දුර ප්‍රමානයෙන් හතරෙන් එකක්වත් ඇවිදින්න ලැබෙන්නෙ නැති මේ සත්තුන්ට කෑම, බීම ටික විතරක් වෙලාවට ලැබුනම ඔක්කොම හරි කියලයි සීත කාමරවල ඉන්න නිලධාරීනුයි, අලි හිමියනුයි, සමහර හාමුදුරුවරුයි හිතා ගෙන ඉන්නෙ.

හීලෑ අලි ගැන විතරක් කථා කරන නිලමෙ තුමා වනාන්තරවල වෙඩි තියල මරල දාන අලි ගැන නම් වචනයක්වත් කථා කරන්නෙ නැහැ.සමහර විට ඒ අලින්ගෙ කකුල් හතරම දම් වැල් වලින් ගැට ගහල පෙරහැරේ ගෙනියන්න බැරි නිසාත්, සුද්දන්ව කර උඩ තියාගෙන ගෙනි යන්න බැරි නිසාත් වෙන්න ඇති.

මෙච්චර දියුනු වෙලා තියෙන ලෝකෙ පෙරහරේ ගෙනියන්න අලියෙක් වෙනුවට වෙන විකල්පයක් ඇත්තෙම නැද්ද?අලියෙක් වෙනුවට අලියෙකුගේ අනුරුවක් භාවිතා කරන්න බැරිද?පන්සල් වලට, දේවාල වලට, අලි හිමියන්ට ලබා දෙන පැටවුන් ලොකු වූ පසු එම සතුන්ගෙන් පැටවුන් ලබා නොගන්නේ මන්ද?එම හීලෑ අලි, ඇතුන්ට ප්‍රජනනය කිරීමට අලි හිමිකරුවන් ඉඩ ලබා නොදෙන්නේ මන්ද?දැනට ස්වභාවික වනාන්තර වල ඉතුරු වෙලා ඉන්න අලි ඇතුන්ව රැක බලා ගන්න ක්‍රියා නොකරන්නේ මන්ද?සතුන් ජීවත් විය යුතු වනාන්තර එලි පෙහෙලි කොට මිනිස් ජනාවාස ඇති කරන්නේ මන්ද?

මේ ප්‍රශ්න සියල්ලම විසදෙන කොට අලි, ඇතුන් පමනක් නොව ලංකාවේ සියලුම වනාන්තර හා සතුන් විනාශ වී, ගෙවල් වල ඇති කරන සුරතල් සතුන් හා මනු සතා පමනක් ජීවත් වන රටක් බවට ලංකාව පත් වනු ඇත.

1 comment:

  1. ඔය අලි හොරා වෙන කවුරුත් නෙවෙයි. රත්නපුරේ මිනිස්සු දන්නෙ නැද්ද නිලංග දෑල ගැන. සුදන වගේ හිටියට සමන් දේවාලෙත් සුද්ද කරා. අලි හිමියන්ගේ සංගමේ සභාපති කවුද? ඔය මිනිහම මිසක් වෙන කවුද?

    ReplyDelete